פרקים 106-120 - פרק קח
135 קריאות
Update Required
To play the media you will need to either update your browser to a recent version or update your Flash plugin.
קה קו קז קח קט קי קיא קיב קיג קיד קטו קטז קיז קיח קיט
(א)
שִׁיר מִזְמוֹר לְדָוִד:
(ב)
נָכוֹן לִבִּי אֱלֹהִים אָשִׁירָה וַאֲזַמְּרָה אַף-כְּבוֹדִי:
(ג)
עוּרָה הַנֵּבֶל וְכִנּוֹר אָעִירָה שָּׁחַר:
(ד)
אוֹדְךָ בָעַמִּים יְהוָה וַאֲזַמֶּרְךָ בַּלְאֻמִּים:
(ה)
כִּי-גָדוֹל מֵעַל-שָׁמַיִם חַסְדֶּךָ וְעַד-שְׁחָקִים אֲמִתֶּךָ:
(ו)
רוּמָה עַל-שָׁמַיִם אֱלֹהִים וְעַל כָּל-הָאָרֶץ כְּבוֹדֶךָ:
(ז)
לְמַעַן יֵחָלְצוּן יְדִידֶיךָ הוֹשִׁיעָה יְמִינְךָ וַעֲנֵנִי:
(ח)
אֱלֹהִים דִּבֶּר בְּקָדְשׁוֹ אֶעֱלֹזָה אֲחַלְּקָה שְׁכֶם וְעֵמֶק סֻכּוֹת אֲמַדֵּד:
(ט)
לִי גִלְעָד לִי מְנַשֶּׁה וְאֶפְרַיִם מָעוֹז ראשִׁי יְהוּדָה מְחֹקְקִי:
(י)
מוֹאָב סִיר רַחְצִּי עַל-אֱדוֹם אַשְׁלִיךְ נַעֲלִי עֲלֵי-פְלֶשֶׁת אֶתְרוֹעָע:
(יא)
מִי יוֹבִלֵנִי עִיר מִבְצָר מִי נָחַנִי עַד-אֱדוֹם:
(יב)
הֲלֹא-אֱלֹהִים זְנַחְתָּנוּ וְלֹא-תֵצֵא אֱלֹהִים בְּצִבְאתֵינוּ:
(יג)
הָבָה-לָּנוּ עֶזְרָת מִצָּר וְשָׁוְא תְּשׁוּעַת אָדָם:
(יד)
בֵּאלֹהִים נַעֲשֶׂה-חָיִל וְהוּא יָבוּס צָרֵינוּ:
קראת? שתף חברים