פרקים 136-150 - פרק קמא
191 קריאות
Update Required
To play the media you will need to either update your browser to a recent version or update your Flash plugin.
קלו קלז קלח קלט קמ קמא קמב קמג קמד קמה קמו קמז קמח קמט קנ
(א)
מִזְמוֹר לְדָוִד יְהוָה קְרָאתִיךָ חוּשָׁה לִּי הַאֲזִינָה קוֹלִי בְּקָרְאִי-לָךְ:
(ב)
תִּכּוֹן תְּפִלָּתִי קְטרֶת לְפָנֶיךָ מַשְׂאַת כַּפַּי מִנְחַת-עָרֶב:
(ג)
שִׁיתָה יְהוָה שָׁמְרָה לְפִי נִצְּרָה עַל-דַּל שְׂפָתָי:
(ד)
אַל-תַּט לִבִּי לְדָבָר רָע לְהִתְעוֹלֵל עֲלִלוֹת בְּרֶשַׁע אֶת-אִישִׁים פּעֲלֵי-אָוֶן וּבַל-אֶלְחַם בְּמַנְעַמֵּיהֶם:
(ה)
יֶהֶלְמֵנִי צַדִּיק חֶסֶד וְיוֹכִיחֵנִי שֶׁמֶן ראשׁ אַל-יָנִי ראשִׁי כִּי-עוֹד וּתְפִלָּתִי בְּרָעוֹתֵיהֶם:
(ו)
נִשְׁמְטוּ בִידֵי-סֶלַע שׁפְטֵיהֶם וְשָׁמְעוּ אֲמָרַי כִּי נָעֵמוּ:
(ז)
כְּמוֹ פלֵחַ וּבקֵעַ בָּאָרֶץ נִפְזְרוּ עֲצָמֵינוּ לְפִי שְׁאוֹל:
(ח)
כִּי אֵלֶיךָ יֱהוִֹה אֲדנָי עֵינָי בְּכָה חָסִיתִי אַל-תְּעַר נַפְשִׁי:
(ט)
שָׁמְרֵנִי מִידֵי-פַח יָקְשׁוּ לִי וּמקְשׁוֹת פּעֲלֵי אָוֶן:
(י)
יִפְּלוּ בְמַכְמרָיו רְשָׁעִים יַחַד אָנכִי עַד אֶעֱבוֹר:
קראת? שתף חברים