|
.png "בית המדרש")
שלא יחלש - פרק יב
1448 קריאות
Update Required
To play the media you will need to either update your browser to a recent version or update your Flash plugin.
(א)
לַמְנַצֵּחַ עַל-הַשְּׁמִינִית מִזְמוֹר לְדָוִד:
(ב)
הוֹשִׁיעָה יְהוָה כִּי-גָמַר חָסִיד כִּי-פַסּוּ אֱמוּנִים מִבְּנֵי אָדָם:
(ג)
שָׁוְא יְדַבְּרוּ אִישׁ אֶת-רֵעֵהוּ שְׂפַת חֲלָקוֹת בְּלֵב וָלֵב יְדַבֵּרוּ:
(ד)
יַכְרֵת יְהוָה כָּל-שִׂפְתֵי חֲלָקוֹת לָשׁוֹן מְדַבֶּרֶת גְּדלוֹת:
(ה)
אֲשֶׁר אָמְרוּ לִלְשׁנֵנוּ נַגְבִּיר שְׂפָתֵינוּ אִתָּנוּ מִי אָדוֹן לָנוּ:
(ו)
מִשּׁד עֲנִיִּים מֵאֶנְקַת אֶבְיוֹנִים עַתָּה אָקוּם יאמַר יְהוָה אָשִׁית בְּיֵשַׁע יָפִיחַ לוֹ:
(ז)
אִמֲרוֹת יְהוָה אֲמָרוֹת טְהרוֹת כֶּסֶף צָרוּף בַּעֲלִיל לָאָרֶץ מְזֻקָּק שִׁבְעָתָיִם:
(ח)
אַתָּה יְהוָה תִּשְׁמְרֵם תִּצְּרֶנּוּ מִן-הַדּוֹר זוּ לְעוֹלָם:
(ט)
סָבִיב רְשָׁעִים יִתְהַלָּכוּן כְּרֻם זֻלֻּת לִבְנֵי אָדָם:
קראת? שתף חברים
