- פרק קא
127 קריאות
Update Required
To play the media you will need to either update your browser to a recent version or update your Flash plugin.
(א)
לְדָוִד מִזְמוֹר חֶסֶד-וּמִשְׁפָּט אָשִׁירָה לְךָ יְהוָה אֲזַמֵּרָה:
(ב)
אַשְׂכִּילָה בְּדֶרֶךְ תָּמִים מָתַי תָּבוֹא אֵלָי אֶתְהַלֵּךְ בְּתָם-לְבָבִי בְּקֶרֶב בֵּיתִי:
(ג)
לֹא-אָשִׁית לְנֶגֶד עֵינַי דְּבַר-בְּלִיָּעַל עֲשׂה-סֵטִים שָׂנֵאתִי לֹא יִדְבַּק בִּי:
(ד)
לֵבָב עִקֵּשׁ יָסוּר מִמֶּנִּי רָע לֹא אֵדָע:
(ה)
מְלָשְׁנִי בַסֵּתֶר רֵעֵהוּ אוֹתוֹ אַצְמִית גְּבַהּ-עֵינַיִם וּרְחַב לֵבָב אוֹתוֹ לֹא אוּכָל:
(ו)
עֵינַי בְּנֶאֶמְנֵי-אֶרֶץ לָשֶׁבֶת עִמָּדִי הלֵךְ בְּדֶרֶךְ תָּמִים הוּא יְשָׁרְתֵנִי:
(ז)
לֹא-יֵשֵׁב בְּקֶרֶב בֵּיתִי עשֵׂה רְמִיָּה דּבֵר שְׁקָרִים לֹא-יִכּוֹן לְנֶגֶד עֵינָי:
(ח)
לַבְּקָרִים אַצְמִית כָּל-רִשְׁעֵי-אָרֶץ לְהַכְרִית מֵעִיר-יְהוָה כָּל-פּעֲלֵי אָוֶן:
קראת? שתף חברים