5713
צור קשר עם תהילים.net
סגולות שירים מאמרים הקדשות תרום לנו תקשורת
יום בחודש יום בשבוע
השם שלך בתהילים שאל בתהילים
חיפוש באתר

לבקש רחמים על עקרה - פרק קב

קב קג
 תרום לאמירת תהילים והקדשתך תופיע כאן הוסף הקדשה
(א) תְּפִלָּה לְעָנִי כִי-יַעֲטף וְלִפְנֵי יְהוָה יִשְׁפּךְ שִׂיחוֹ:
(ב) יְהוָה שִׁמְעָה תְפִלָּתִי וְשַׁוְעָתִי אֵלֶיךָ תָבוֹא:
(ג) אַל-תַּסְתֵּר פָּנֶיךָ מִמֶּנִּי בְּיוֹם צַר לִי הַטֵּה-אֵלַי אָזְנֶךָ בְּיוֹם אֶקְרָא מַהֵר עֲנֵנִי:
(ד) כִּי-כָלוּ בְעָשָׁן יָמָי וְעַצְמוֹתַי כְּמוֹקֵד נִחָרוּ:
(ה) הוּכָּה כָעֵשֶׂב וַיִּבַשׁ לִבִּי כִּי שָׁכַחְתִּי מֵאֲכל לַחְמִי:
(ו) מִקּוֹל אַנְחָתִי דָּבְקָה עַצְמִי לִבְשָׂרִי:
(ז) דָּמִיתִי לִקְאַת מִדְבָּר הָיִיתִי כְּכוֹס חֳרָבוֹת:
(ח) שָׁקַדְתִּי וָאֶהְיֶה כְּצִפּוֹר בּוֹדֵד עַל-גָּג:
(ט) כָּל-הַיּוֹם חֵרְפוּנִי אוֹיְבָי מְהוֹלָלַי בִּי נִשְׁבָּעוּ:
(י) כִּי-אֵפֶר כַּלֶּחֶם אָכָלְתִּי וְשִׁקֻּוַי בִּבְכִי מָסָכְתִּי:
(יא) מִפְּנֵי-זַעַמְךָ וְקִצְפֶּךָ כִּי נְשָׂאתַנִי וַתַּשְׁלִיכֵנִי:
(יב) יָמַי כְּצֵל נָטוּי וַאֲנִי כָּעֵשֶׂב אִיבָשׁ:
(יג) וְאַתָּה יְהוָה לְעוֹלָם תֵּשֵׁב וְזִכְרְךָ לְדר וָדר:
(יד) אַתָּה תָקוּם תְּרַחֵם צִיּוֹן כִּי-עֵת לְחֶנְנָהּ כִּי-בָא מוֹעֵד:
(טו) כִּי-רָצוּ עֲבָדֶיךָ אֶת-אֲבָנֶיהָ וְאֶת-עֲפָרָהּ יְחֹנֵנוּ:
(טז) וְיִירְאוּ גוֹיִם אֶת-שֵׁם יְהוָה וְכָל-מַלְכֵי הָאָרֶץ אֶת-כְּבוֹדֶךָ:
(יז) כִּי-בָנָה יְהוָה צִיּוֹן נִרְאָה בִּכְבוֹדוֹ:
(יח) פָּנָה אֶל-תְּפִלַּת הָעַרְעָר וְלֹא-בָזָה אֶת-תְּפִלָּתָם:
(יט) תִּכָּתֶב זאת לְדוֹר אַחֲרוֹן וְעַם נִבְרָא יְהַלֶּל-יָהּ:
(כ) כִּי-הִשְׁקִיף מִמְּרוֹם קָדְשׁוֹ יְהוָה מִשָּׁמַיִם אֶל-אֶרֶץ הִבִּיט:
(כא) לִשְׁמעַ אֶנְקַת אָסִיר לְפַתֵּחַ בְּנֵי תְמוּתָה:
(כב) לְסַפֵּר בְּצִיּוֹן שֵׁם יְהוָה וּתְהִלָּתוֹ בִּירוּשָׁלָם:
(כג) בְּהִקָּבֵץ עַמִּים יַחְדָּו וּמַמְלָכוֹת לַעֲבד אֶת-יְהוָה:
(כד) עִנָּה בַדֶּרֶךְ כּחִי קִצַּר יָמָי:
(כה) אמַר אֵלִי אַל-תַּעֲלֵנִי בַּחֲצִי יָמָי בְּדוֹר דּוֹרִים שְׁנוֹתֶיךָ:
(כו) לְפָנִים הָאָרֶץ יָסַדְתָּ וּמַעֲשֵׂה יָדֶיךָ שָׁמָיִם:
(כז) הֵמָּה יאבֵדוּ וְאַתָּה תַעֲמד וְכֻלָּם כַּבֶּגֶד יִבְלוּ כַּלְּבוּשׁ תַּחֲלִיפֵם וְיַחֲלֹפוּ:
(כח) וְאַתָּה-הוּא וּשְׁנוֹתֶיךָ לֹא יִתָּמּוּ:
(כט) בְּנֵי-עֲבָדֶיךָ יִשְׁכּנוּ וְזַרְעָם לְפָנֶיךָ יִכּוֹן:
גרסת הדפסה שלח לחבר
קראתי את הפרק לא קראתי את הפרק
פרק הבא פרק קודם
תגיות
עין רוחניות ים תהלים דוד המלך מזמורים עבודה טובה רחמים תהילים ישועות שפע שכול קמח לפסח בקשה שנאה דיין קשיי לידה חבר תהילים דוא"ל איברים עיר סגולות לאמר אריה מריבה למדן טעות מפלה עילוי שלא יחלש תרומה מחלה עקרה משאלה כבוד אם שכולה מות הכשה חולשה הכשת נחש מזמור לתודה שונא אנשי העיר


מקבוצת מפעל הלכה ברשת   ‎©‎ All Rights Reserved, tehilim.net