|
.png "בית המדרש")
למי שיש לו שונאים - פרק י
452 קריאות
Update Required
To play the media you will need to either update your browser to a recent version or update your Flash plugin.
(א)
לָמָה יְהוָה תַּעֲמד בְּרָחוֹק תַּעְלִים לְעִתּוֹת בַּצָּרָה:
(ב)
בְּגַאֲוַת-רָשָׁע יִדְלַק עָנִי יִתָּפְשׂוּ בִּמְזִמּוֹת זוּ חָשָׁבוּ:
(ג)
כִּי-הִלֵּל רָשָׁע עַל-תַּאֲוַת נַפְשׁוֹ וּבצֵעַ בֵּרֵךְ נִאֵץ יְהוָה:
(ד)
רָשָׁע כְּגבַהּ אַפּוֹ בַּל-יִדְרשׁ אֵין אֱלֹהִים כָּל-מְזִמּוֹתָיו:
(ה)
יָחִילוּ דְרָכָיו בְּכָל-עֵת מָרוֹם מִשְׁפָּטֶיךָ מִנֶּגְדּוֹ כָּל-צוֹרְרָיו יָפִיחַ בָּהֶם:
(ו)
אָמַר בְּלִבּוֹ בַּל-אֶמּוֹט לְדר וָדר אֲשֶׁר לֹא-בְרָע:
(ז)
אָלָה פִּיהוּ מָלֵא וּמִרְמוֹת וָתֹךְ תַּחַת לְשׁוֹנוֹ עָמָל וָאָוֶן:
(ח)
יֵשֵׁב בְּמַאֲרַב חֲצֵרִים בַּמִּסְתָּרִים יַהֲרג נָקִי עֵינָיו לְחֵלְכָה יִצְפּנוּ:
(ט)
יֶאֱרב בַּמִּסְתָּר כְּאַרְיֵה בְסֻכּה יֶאֱרב לַחֲטוֹף עָנִי יַחְטף עָנִי בְּמָשְׁכוֹ בְרִשְׁתּוֹ:
(י)
יִדְכֶּה יָשׁחַ וְנָפַל בַּעֲצוּמָיו חֵיל כָּאִים :
(יא)
אָמַר בְּלִבּוֹ שָׁכַח אֵל הִסְתִּיר פָּנָיו בַּל-רָאָה לָנֶצַח:
(יב)
קוּמָה יְהוָה אֵל נְשָׂא יָדֶךָ אַל-תִּשְׁכַּח עֲנָוִים:
(יג)
עַל-מֶה נִאֵץ רָשָׁע אֱלֹהִים אָמַר בְּלִבּוֹ לֹא תִדְרשׁ:
(יד)
רָאִתָה כִּי-אַתָּה עָמָל וָכַעַס תַּבִּיט לָתֵת בְּיָדֶךָ עָלֶיךָ יַעֲזב חֵלֶכָה יָתוֹם אַתָּה הָיִיתָ עוֹזֵר:
(טו)
שְׁבר זְרוֹעַ רָשָׁע וָרָע תִּדְרוֹשׁ-רִשְׁעוֹ בַל-תִּמְצָא:
(טז)
יְהוָה מֶלֶךְ עוֹלָם וָעֶד אָבְדוּ גוֹיִם מֵאַרְצוֹ:
(יז)
תַּאֲוַת עֲנָוִים שָׁמַעְתָּ יְהוָה תָּכִין לִבָּם תַּקְשִׁיב אָזְנֶךָ:
(יח)
לִשְׁפּט יָתוֹם וָדָךְ בַּל-יוֹסִיף עוֹד לַעֲרץ אֱנוֹשׁ מִן-הָאָרֶץ:
קראת? שתף חברים
